Politika e Privatësisë

1. Kush jemi

BizBot është produkt i AG Studio, [EMRI LIGJOR I SUBJEKTIT], NIPT [NIPT], me adresë [ADRESA], Shqipëri. Kontakt: info@bizbot.al.

Të dhënat përpunohen sipas Ligjit nr. 124/2024 „Për mbrojtjen e të dhënave personale", i harmonizuar me GDPR.

2. Rolet

Kur plotësoni formularin në këtë faqe, AG Studio është kontrollues i të dhënave tuaja.

Kur bisedoni me BizBot në faqen e një biznesi tjetër, ai biznes është kontrolluesi dhe AG Studio vepron vetëm si përpunues, sipas udhëzimeve të tij.

3. Çfarë mbledhim

• Nga formulari: emri, biznesi, website, telefoni, email dhe mesazhi që shkruani.
• Nga bisedat me BizBot: teksti i mesazheve, kontaktet që lini me dëshirë, data dhe ora.
• Nga serveri: adresa IP dhe logje teknike, për sigurí dhe diagnostikim.

Nuk mbledhim të dhëna të kategorive të veçanta dhe nuk krijojmë profile reklamuese.

4. Pse i përpunojmë

• Për t'ju kontaktuar mbi kërkesën tuaj — mbi bazën e pëlqimit.
• Për ofrimin e shërbimit dhe faturimin — mbi bazën e kontratës.
• Për sigurinë e sistemeve — mbi bazën e interesit legjitim.
• Për detyrime fiskale — mbi bazën e detyrimit ligjor.

5. Me kë i ndajmë

Nuk shesim të dhëna. I ndajmë vetëm me palët e nevojshme për funksionimin:

• Google — modeli Gemini gjeneron përgjigjet, ndaj teksti i pyetjes dërgohet te Google.
• Hostingu i klientit — bisedat dhe kontaktet ruhen në WordPress-in e klientit.
• [OFRUESI I HOSTINGUT / EMAIL-IT] — për funksionimin e këtij website-i.

Google ka infrastrukturë jashtë Shqipërisë. Transferimi kryhet mbi bazën e klauzolave standarde kontraktore.

6. Sa kohë i mbajmë

Kërkesat për demonstrim që nuk kthehen në klient fshihen brenda [12 MUAJVE — KONFIRMO]. Dokumentacioni financiar mbahet sa kërkon legjislacioni fiskal.

Bisedat në faqen e një klienti ruhen në bazën e të dhënave të tij, ndaj afatin e vendos ai.

7. Të drejtat tuaja

Kini të drejtë për akses, korrigjim, fshirje, kufizim të përpunimit, kundërshtim, transferueshmëri të të dhënave dhe tërheqje të pëlqimit në çdo kohë.

Për t'i ushtruar, shkruani te info@bizbot.al. Përgjigjemi brenda 30 ditëve. Nëse folët me BizBot në faqen e një biznesi tjetër, kërkesën e përcjellim tek ai.

Mund të ankoheni edhe te Komisioneri për të Drejtën e Informimit dhe Mbrojtjen e të Dhënave Personale: idp.al.

8. Cookies

Kjo faqe nuk përdor cookies analitike, reklamuese ose gjurmuese, dhe nuk ngarkon skripte të palëve të treta për matje. Për këtë arsye nuk shfaqet banner pëlqimi.

Widget-i i BizBot në faqen e një klienti mund të përdorë ruajtje lokale në shfletues vetëm për të mbajtur vazhdimësinë e bisedës.

9. Siguria dhe kufizimet

Komunikimi kryhet mbi HTTPS dhe aksesi është i kufizuar te personat që kryejnë konfigurimin. Nuk premtojmë sigurí absolute — nuk e premton ndonjë sistem serioz.

BizBot është sistem i bazuar në inteligjencë artificiale dhe mund të japë përgjigje jo të plota. Nuk merr vendime të automatizuara me efekt ligjor dhe nuk kryen profilizim.

10. Ndryshimet

Kur ndryshojmë këtë politikë, përditësojmë datën në krye. Për ndryshime materiale, klientët aktivë njoftohen me email paraprakisht.